“Сэжигтэй гүйлгээг илрүүлэх, мэдээлэх үйл ажиллагаанд дэмжлэг үзүүлэх нь” сэдэвт сургалт зохион байгууллаа

Санхүүгийн мэдээллийн албанаас арилжааны банкуудын комплаенсийн газар, хэлтсийн ажилтнуудад сэжигтэй гүйлгээг илрүүлэх, мэдээлэх үйл ажиллагаанд дэмжлэг үзүүлэх зорилгоор 2025 оны 03 дугаар сарын 27-ны өдөр сургалт зохион байгууллаа.

Тус сургалтаар Санхүүгийн мэдээллийн албанаас боловсруулсан тайлан болон дараах мэдээллийг танилцуулав. Үүнд:

• Худалдаанд суурилан мөнгө угаах сэдвээр боловсруулсан гарын авлага;
• Үндэсний эрсдэлийн үнэлгээ, түүнд банкны салбарын оролцоо;
• Виртуал хөрөнгө ашиглан үйлдэгдсэн гэмт хэрэг.

Мөн арилжааны банкуудын комплаенсийн газар, хэлтсийн ажилтнуудад худалдаанд суурилсан мөнгө угаах болон хориг арга хэмжээнээс зайлсхийх төрлийн сэжигтэй гүйлгээг хэрхэн таних, илрүүлэх, мэдээлэх зэрэг практик ур чадварыг сайжруулах зорилгоор кейс сургалт зохион байгууллаа.