Виртуал хөрөнгийн үйлчилгээ үзүүлэгчдэд сургалт зохион байгууллаа

Виртуал хөрөнгийн үйлчилгээ үзүүлэгчдэд зориулсан “Мөнгө угаах болон терроризмыг санхүүжүүлэхтэй тэмцэх” сэдэвт сургалтыг 2025 оны 3 дугаар сарын 20-ны өдөр зохион байгууллаа.

Сургалтад виртуал хөрөнгийн салбарын мэдээлэх үүрэгтэй этгээдийн 20 орчим ажилтнууд хамрагдаж, Санхүүгийн мэдээллийн албанаас дараах сэдвүүдийн хүрээнд мэдээлэл өгөв. Үүнд:

• Монгол Улсын мөнгө угаах, терроризмыг санхүүжүүлэхтэй тэмцэх тогтолцоонд хийгдэх Харилцан үнэлгээ болон Үндэсний эрсдэлийн үнэлгээ: Виртуал хөрөнгийн үйлчилгээ үзүүлэгчдийн оролцоо;
• Сэжигтэй гүйлгээг таньж илрүүлэх, сэжигтэй гүйлгээний тайланг мэдээлэх;
• Виртуал хөрөнгийн үйлчилгээ үзүүлэгчдийн мөнгө угаах болон терроризмыг санхүүжүүлэхтэй тэмцэх чиглэлээрх олон улсын сайн туршлага;
• ГоАМЛ платформын шинэ хувилбарын талаарх мэдээлэл.

Санхүүгийн мэдээллийн албанаас виртуал хөрөнгийн үйлчилгээ үзүүлэгч нарт зориулсан холбогдох мэдээ, мэдээллийг цаг тухайд нь өгч ажиллаж байгаа төдийгүй, цаашид ч мөн мөнгө угаах болон терроризмыг санхүүжүүлэхтэй тэмцэхтэй холбоотой цаг үеийн мэдээ, мэдээлэл, цаашдын чиг хандлагыг таниулах соён гэгээрүүлэх үйл ажиллагааг тогтмол зохион байгуулахаар төлөвлөж байна.