Санхүүгийн мэдээллийн албаны төлөөлөл Явцын тайлангийн үнэлгээчнээр ажиллав

Санхүүгийн мэдээллийн албаны төлөөлөл Ази, Номхон далайн мөнгө угаахтай тэмцэх бүлгийн гишүүн Вьетнам Улсын 2025 оны 02 дугаар сарын Явцын тайлангийн үнэлгээчнээр ажиллав. Вьетнам улс энэ удаагийн тайлангаар санхүүгийн мэдээллийн албадтай холбоотой Зөвлөмж 29-ийн үнэлгээг ахиулах хүсэлт ирүүлсэн. Үүнтэй холбоотой дүгнэлтийг 2025 оны 8 дугаар сарын 25-ны өдрийн Харилцан үнэлгээний хорооны хурлын үеэр танилцуулж, чуулга уулзалтаар нийт гишүүдийн саналаар тайланг батлахаар шийдвэрлэлээ.

Өмнө нь Монгол улсын төлөөлөл Лаос улсын харилцан үнэлгээний үнэлгээчин, Олон улсын хамтын ажиллагааны хяналтын бүлгийн Непал улсын хянагчаар сонгогдон ажиллаж байсан. Ийнхүү үнэлгээчин, хянагчаар ажилласнаар 2028 онд эхлэх Монгол Улсын харилцан үнэлгээний үед Монгол улсын тайланг олон улсын стандартын дагуу бэлтгэх, амжилттай хамгаалахад чухал ач холбогдол үзүүлэх юм.