Буцах

Мэдээлэх үүрэгтэй этгээд


Мөнгө угаах болон терроризмыг санхүүжүүлэхтэй тэмцэх тухай хуулийн 4 дүгээр зүйлд зааснаар мэдээлэх үүрэгтэй этгээд гэдэгт:

  • Банк
  • Банк бус санхүүгийн байгууллага
  • Даатгагч болон даатгалын мэргэжлийн оролцогч
  • Хөрөнгө оруулалтын сан, хөрөнгө оруулалтын менежментийн компани
  • Үнэт цаасны зах зээлд оролцогч мэргэжлийн байгууллага
  • Хадгаламж, зээлийн хоршоо
  • Үл хөдлөх хөрөнгө худалдан авах, эсхүл худалдах аливаа ажиллагаа явуулсан бол үл хөдлөх эд хөрөнгө зуучлалын байгууллага
  • 20 сая төгрөг /түүнтэй тэнцэх хэмжээний гадаад валют/ мөнгөн дүн бүхий бэлэн мөнгөний гүйлгээнд оролцсон бол үнэт металл, үнэт чулууны, эсхүл тэдгээрээр хийсэн эдлэлийн арилжаа эрхлэгч
  • Нотариатч, хуульч, эсхүл нягтлан бодох бүртгэлийн болон санхүүгийн зөвлөх үйлчилгээ үзүүлэгч нь өөрийн харилцагчтай холбоотой дараах ажиллагааг бэлтгэсэн, хийсэн, эсхүл оролцсон бол
    • Үл хөдлөх хөрөнгө худалдах, худалдан авах;
    • Харилцагчийн хөрөнгийг удирдах;
    • Банкны, хадгаламжийн, үнэт цаасны дансыг удирдах;
    • Компанийг үүсгэн байгуулах, түүний үйл ажиллагааг явуулах, удирдахад зориулан хөрөнгө татах, бүрдүүлэхийг зохион байгуулах;
    • Хуулийн этгээдийг үүсгэн байгуулах, түүний үйл ажиллагааг явуулах, удирдах, эсхүл хэлцлийн үндсэн дээр аливаа тодорхой үйл ажиллагаа явуулах, удирдах, эсхүл аж ахуйн нэгжийг худалдах, худалдан авах.